Bygging

Byggivinnan er fjøllbroytt, og vit á SMJ hava royndir frá nógvum ymiskum byggiverkætlanum, frá sjúkrahúsum og starvsstovum til skrivstovu- og íbúðarbygningum.

Vit leggja stóran dent á, at góðskan á tænastuni, vit veita kundum okkara, er á høgum støði. Vit leggja okkum eftir at skilja kundan og gera ikki uppgávuna til annað, enn hon er.

Vit átaka okkum heildarráðgeving, har vit taka ábyrgd av øllum lutum í verkætlani, og vit átaka okkum deilda ráðgeving, har vit hava ábyrgd av ávísum parti ella pørtum av verkætlanini.

SMJ veitir ráðgeving á nógvum ymiskum økjum í byggiverkætlanum. Vit gerast alsamt meiri tilvitaði um burðardygd, og hava burðardygd við sum sjálvsagdan lut í arbeiði okkara .

Vit arbeiða støðugt við at økja okkara vitan á økjunum, og at veita kundum okkara dygga ráðgeving og vegleiðing innan økið. Ítøkiliga, duga vit betur at skyna á fyrimunum og vansum við ymiskum byggitilfari, og hvussu hesi skulu veljast.

Atlit verður tikið at burðardygd í síni heild – umhvørvisliga, sosialt- og fíggjarliga. Vit gera CO₂e roknskapir, LCA greiningar og certificeringar innan burðardygd.

Dentur verður lagdur á sterkt tvørfakligt samstarv, og hetta er við til at optimera verkætlanina og veitingina til kundan.