Talgilding

Dátur og vitlíki hava seinastu árini kollvelt háttin vit arbeiða uppá, og er við til at at loysa bæði einfaldar og kompleksar avbjóðingar. Við dátu-grundaðum innliti ber til at betra um arbeiðshættir, gera forsagnir og at taka meira upplýstar avgerðir. Hetta letur upp fyri nýggjum møguleikum og loysnum, sum eru við til at dríva eina tryggari framgongd. Saman við okkara royndum í arbeiðsøkjum sum orku, aling og vatn, arbeiða okkara ráðgevarar við sergrein í dátu og vitlík fyri at geva tær størri innlit úr tínum dátum.

Talgilda arbeiðsøkið um fatar eisini framkomnar loysnir innan IKT/BIM og 3D skanning. Hesar loysnir eru við til at økja um neyvleika, effektivitet og samstarv í byggiverkætlanum. Við at nýta talgildar modellir og 3D skanningar kunnu vit betra allar fasur av verkætlanum, frá design og planlegging til bygging og viðlíkahald. Okkara serkunnleiki tryggjar, at møguligar avbjóðingar verða staðfestar og loystar tíðliga í gongdini, sum førir til væl samskipaðar byggiverkætlanir, ið lúka hægstu krøv.

Okkara GIS– og GeoData-tænastur gevur møguleika fyri geografiskari greining, kortlegging og dátuvisualisering. Vit arbeiða við savnan, viðgerð og samanlegging av geodátum. Við at nýta vitlíki, ber til at kompensera fyri manglandi beinleiðis dátum. Hetta kann nýtast í ymsum verkætlanum, so sum planlegging ella optimering av infrastrukturi og til orku- og umhvørvisgreiningar.

Felags fyri allar okkara tænastur á talgilda økinum er, at tær hjálpa tær at fáa innlit og vitan úr tínum dátum, og gera tað møguligt at taka dátu-upplýstar avgerðir, sum kunnu betra um rakstur og planlegging av íløgum.