Einki úrslit
Aftur til størv

Ráðgevarar til SMJ

Ráðgevarar til SMJ

Hevur tú hug og hegni til ráðgeving og projektering av tekniskum avbjóðandi uppgávum? So er tað møguliga tær vit leita eftir. Vit sóknast eftir fakliga sterkum fólki innan fleiri arbeiðsøkir, serliga HVS & ventilatión, El og orkuøkið.

Vit eru áhugaði at hoyra frá royndum sum óroyndum við viðkomandi útbúgving, so sum verkfrøðingar, maskinmeistarar ella installatørar – tað er ein fyrimunur at hava royndir sum handverkari. Starvstaðurin er á einum av okkara skrivstovum, í Tórshavn, Klaksvík ella Keypmannahavn.

UM TEG

  • Viðkomandi útbúgving
  • Góðar samskiftisførleikar í skrift og talu á føroyskum, donskum og enskum
  • Góðar KT– førleikar

LEIKLUTUR OG MØGULEIKAR

Sum starvsfólk hjá SMJ gerst tú partur av einum dugnaligum starvsfólkahópi við ymiskum serkunnleikum. Tú fært góðar møguleikar at menna teg persónliga og fakliga við spennandi uppgávum í Føroyum og í okkara grannalondum. Tú kemur at arbeiða tvørfakliga saman við starvs- og samstarvsfeløgum við spennandi og avbjóðandi verkætlanum.

Vit leggja dent á at kundin, uppgávurnar og samstarvið eru í fokus.

Uppgávurnar umfata millum annað:

  • Projektering
  • Góðskutryggjan
  • Útboð
  • Fakeftirlit

SETANARTREYTIR

Løn og setanartreytir verða samsvarandi útbúgving og royndum.

SOLEIÐIS SØKIR TÚ

Um hetta hevur vakt tín áhuga, kanst tú seta teg í samband við Pætur Jakobsen, tel +298 233500, og so ert tú eisini vælkomin at senda umsókn, CV og prógv við formularinum niðanfyri ella til [email protected]. Í umsóknini verður tú vinarliga biðin um at greiða frá tínum persónligu eginleikum og motivatión fyri starvinum.

Umsóknir verða viðgjørdar í trúnaði og so hvørt tær koma inn.