Tilboðsleiðari

Tilboðsleiðari til SMJ

Vit søkja eftir einum persóni, við góðum kunnleika til okkara vinnugrein, at hava ábyrgd av okkara tilboðsarbeiði. Tilboðsleiðarin fær ábyrgd av okkara tilboðsarbeiðið, uppfylging í hesum sambandi,at manna verkætlanir saman við verkætlanarleiðarum og at fylgja innleiðandi fasum í verkætlanunum.

Vit leita eftir tær, ið hevur hug og hegni til kundarøkt og áhuga fyri hvussu okkara tænastur eru virðisskapandi fyri okkara kundar. Vit leggja dent á dygd, góðsku og veitan til ásettu tíð, hetta eru punktir sum fylgja øllum okkara arbeiði.

Um Teg

Viðkomandi útbúgving innan verkfrøði, cand.merc ella líknandi
Vit eru áhugaði at hoyra frá umsøkjarum við viðkomandi royndum, men eisini opin fyri fólkum uttan royndir, men áhuga
Áhuga fyri tilboðsarbeiði og innleiðandi fasum í verkætlanum
Góðar samskiftisførleikar í skrift og talu á føroyskum, donskum, enskum og (norskum)
Hava eyga fyri tí visuella í samskiftinum

Leiklutur og møguleikar

Sum starvsfólk hjá SMJ gerst tú partur av einum dugnaligum starvsfólkahópi við ymiskum serkunnleikum. Tú fært góðar møguleikar at menna teg persónliga. Vit skipa okkum í fýra geirum, Bygging, Orka, Aling og Vatn, uppgávurnar og kundarnir eru sera ymiskir. Uppgávurnar eru í Føroyum, Grønlandi, Danmark, Norra og Íslandi. Tú kemur at arbeiða tvørfakliga saman við starvs- og samstarvsfeløgum at forma tilboð og uppgávur.

Vit leggja dent á at kundin, uppgávurnar og samstarvið eru í fokus.

Uppgávurnar umfata millum annað:

Undangóðkenningar
Formellar og óformellar tilboðstilgongdir
Tryggja góða vitanardeiling frá tilboðstilgongd til verkætlanarleiðara og -toymi, eftir at ein sáttmáli er vunnin
Vágametingar
Marknaðargreining
Greining av taptum tilboðnum
Góðskutryggjan av arbeiði í mun til dygd, sum vit skulu veita
Uppfylging av avtalum, soleiðis at vit altíð svara hvørjum sítt
Hava gott yvirblikk yvir fakligu tænasturnar SMJ bjóðar og tilfeingi at fremja verkætlanir

Setanartreytir

Løn og setanartreytir verða samsvarandi útbúgving og royndum.

Soleiðis søkir tú

Um hetta hevur vakt tín áhuga, kanst tú seta teg í samband við Pætur Jakobsen, tel +298 233500, og so ert tú eisini vælkomin at senda umsókn, CV og prógv til [email protected] ella útfylla teigarnar niðanfyri. Í umsóknini verður tú vinarliga biðin um at greiða frá tínum persónligu eginleikum og motivatión fyri starvinum.

Umsóknir verða viðgjørdar í trúnaði og so hvørt tær koma inn.

Tilvísingar

Sandoyartunnilin

Bygging

Tilboðsleiðari