Einki úrslit

Uumatitsiviit


SMJ-imi siunnersortinik uumatitsivinnik sullissisartunik pikkorissunik peqarpugut, uumassusilerinikkut teknikkikkullu sullissisinnaasunik. Atorfissaqartinneqartoq aallaavigalugu ilusilersuilluta sullissisarpugut – teknikki uumassusilerinerlu suleqatigiissillugit.

Ukiuni kingullerni 20-ni Savalimmiuni aalisakkanik tukertitsivinni sulisimavugut, 2015-imiilli aalisakkanik uumatitsivinnik sullissinermi tunniussinnaasatta iluamik inerisarnissaat aallutilersimallugu. SMJ maanna suliffeqarfiuvoq tukertitsivinnik tukertitsivinnullu attuumassutilinnik siunnersuisartoq ilisimasartooq. Sullissigaangatta ataatsimut isigalugu conceptual design ingerlassinnaavarput, aammali sukujuaqqanut tunngasut pillugit siunnersuisinnaalluta. Ataqatigiissaarluakkamik pitsaasumik tunniussisinnaanissaq pingaartitarigatsigu teknikki, uumassusilerineq avatangiisillu ilanngullugit eqqarsaatigalugit siunnersuisarpugut.

Uumatitsiveqarnermi pissutsit pingaarutillit marluk imminnut ataqatigiissaarluagassat tassaapput teknikkikkut aaqqissuussinerit uumassusilerinermullu tunngasut. Taamaammat uumatitsivimmik sanaartornermi nutarterinermiluunniit suliassap tamakkiisumik ataqatigiissaarluakkamillu isiginiarnissaa assut pingaaruteqarpoq. SMJ-imi teknikkikkut aaqqissuussinermut tunngasunik ilisimasartuut uumassusilerituullu sulisoraagut, sanileriillutillu suleqatigiittarput. Taamaasilluta suliaqarfiit assigiinngitsut akimorlugit suleqatigiinneq ingerlassinnaavarput, sullitamullu tunniussinnaasagut tassuuna aamma pitsaanerulersissinnaallugit.

RAS

RAS atorlugu aaqqissuussinikkut imermi najoqqutassat malinnaavigiuminarsisarput nappaatillu tuniluunnissaat annikillilluni, aammalu imermik atuineq 90%-imik annikinnerusarluni. Atoqqiilluni aaqqissuussinikkut piaqqat anginerullutillu akiuussinnaassuseqarnerulertarput.

Uumassusilerinikkut naliliineq

Uumassusilerinikkut naliliinermi pineqarpoq aalisakkanik misissuineq, oxygenip annertussusaa, nappaatit ilisarnaataat, erngup pitsaassusaa, aalisakkallu niggua misissorlugu stresserneranik misissuineq, tamakku tamarmik pisarput aalisakkat uumatitsivinniittut peqqinnissaat qulakkeerniarlugu.

Flow-through

Imeq naammattumik annertussusilik sarfarluni aqqusaartarsimappat sarfarnermit aaqqissuussineq innersuunneqarsinnaavoq, aaqqissuussinerit taamaattut pillugit ilisimasaqarlutalu misilittagaqarluarpugut.

Teknikkikkut naliliineq

Aalisakkat atugarissaarnissaat, ingerlatsinermi ineriartornissap qulakkeernissaa, erngullu pitsaasuunissaa tunngavigalugit teknikkikkut aaqqiissutissanik naliliisarpugut.

Pitsanngorsaaneq

Uumatitsivinnik nutaanik pioreersunillu ingerlatsinerup pitsaanerpaamik ingerlannissaa anguniarlugu ilisimasagut atorlugit siunnersuisinnaavugut, uumassusilerinermut teknikkimullu tunngatillugu.

Ilinniartitsineq

Suliffeqarfinni sulisut naammattumik ilisimasaqarluaqqullugit uumassusilerinermut tunngasuni teknikkikkullu ilikkagassanik pisarialinnik ilinniartinneqartarput.

Teknikkikkut aaqqissuussinerit

Aaqqissuussinerit tamarmik immikkut ilusilersugaasarput tunisassiorluarnissaq aalisakkallu atugarissaarnissaat anguniarlugu. Aalisagaasiviit, ruujorit pumpillu aalisagaasivimmi qaffasinnerpaamik hydraulikkilimmik namminerlu salittartutut ilusilersugaapput.

Attavigitigut

Suliniummik eqqarsaatersuuteqaruit pituttorsimanngitsumik oqaloqatigisinnaavatsigut, sianerfigaluta oqaloqatigiinnissatsinnik inniminniisinnaavutit.

Aqutsisut
Aqutsisut
Nukissaq
Imeqarneq
Aqutsisut
Siulersuisut

Ingeniørit siunnersuisartut, 1969-imili aallartittut

SMJ Ingeniørit siunnersuisartut 1969-imi augustimi aallarnerneqarpoq, aallarniisuuvoq Sofus M. Jakobsen, suliffeqarfittalu taanna ateqaatigaa.

SMJ Ingeniørit siunnersuisartut Savalimmiuni suliffeqarfiit siunnersuisartut annersaasa ilagaat. Suliaqarfiit sisamat iluanni siunnersuinermik tunniussisinnaavugut: Sanaartornermi, Nukissiornermi, Uumatitsivinnut tunngasuni, kiisalu Imeqarnermut tunngasuni.