Atorfimmi ingerlavik

SMJ-imi atorfimmi atugassarititaasut ilinnut pitsaanerpaajunissaat pingaartitaraarput.
Suliamik ilisimasaqarneq, ilorrisimaarneq avatangiisillu qitiutippagut.

Sulisuvut

SMJ-imi sulisut assigiinngiiaarput, inuusuttunit utoqqasaanut, nunanillu assigiinngitsuninngaanneerluta. Ataqatigiilluarnissaq pingaartipparput. Sulisuvut sivisuumik uatsinni sulisuugajuttarput. Sulisut siunissami allami atorfininnissaminnut aamma piukkunnartarput. Sulisut akisussaaffimmik annertuumik tigusisarput, annertuumik kiffaanngissuseqartitaasarput pitsaasunillu atugassaqartitaallutik.

Upperaarput ingeniøritut sulinikkut nunanik inuillu atugaannik allanngueqataasinnaalluta – suliniutit ataasiakkaarlugit. Atortorissaarutit pitsaanerusumik atorluarneqarnissaannut siuarsaasarpugut, sanaartukkat najoruminarsarlugit, tunisassiorfiit pitsanngorsarlugit, avatangiisinullu mingutsitsineq annikillisarlugu.

Petur Martinip oqarnera naapertorlugu suliassat pissanganarlutillu ilikkagaqarnartarput. Islandimi, Danmarkimi Savalimmiunilu suliassaqartarpoq, taamaammat sulinerminut atatillugu angalallattaasarnini inunnillu nutaanik naapitsisarnini nuannarisarpaa.

Ilisarititsineq: Petur Martin

Petur Martin 2008 KJ-elráðimi sulilerpoq sulilu tamaaniilluni, KJ elráð SMJ-ilu 2014-imi kattunneqarmatali SMJ-imiilerpoq.

Ulluinnarni Petur Martinip suliniutinik ingerlatsineq, automationilu soorlu BMS/CTS kiisalu SRO aallutarai, ataatsimullu isigalugu innaallagialerisuulluni.

Ilaanni suliniutinik ingerlatsineq annerusumik aalluttarpaa, tassani suliassaasa ilagisarpaat aaqqissuussineq ataqatigiissaarinerlu, sullitanillu inuussutissarsiortunillu attaveqarneq. Ilaatigullu immikkut ilisimasaqarfini aallunnerusinnaasarpaa. Ulluinnarni suliarisartakkat assigiinngisitaarnerat, aammalu pissanganarlutillu unammillernartarnerat SMJ-imi sulinermi nuannequtaasutut eqqaavai.

KJ-elráðimi sulisut pingasuinnaagallarmatali Petur Martin suleqataasimavoq, maannalu 50-it sinnerlugit suleqateqarluni, allaat ilaatigut nunani allaniittunik. Pissutsit taamatut ineriartorneranni peqataasimanini pissanganartutut nuannersutullu oqaasertalerpaa, ukiunilu kingullerni peqataasimanini aamma tulluusimaarutigalugu.

Ilisarititsineq: Kristian

Kristian ingeniøriuvoq Tórshavnimilu allaffitsinni sulisuulluni. Aarhus Universitetimi maskiningeniøritut ilinniarnikuuvoq, 2020-milu ilinniarnerminut atatillugu SMJ-imi praktikkeriarluni kingorna atorfinilluni.

Ulluinnarni Kristian suliniutini uumatitsivinnut tunngasuni suleqataasarpoq, Savalimmiuni eqqaamiuinilu tukertitsivissanut RAS-systemit atortorissaarutillu taakkununnga attuumassuteqartut suliarineqarnissaat pilersaarusiorlugu. Ilinniakkani aallaavigalugu Kristiaap pisinnaasani ineriartortissimavai maannalu tukertitsivinni systeminik aaqqissuussinermi annertuumik akisussaaffeqartarluni.

Kristiaap BIM ilisimalluarpaa, assersuutigalugu ilaatigut SMJ-ip Revit-imi qanoq inissitsiterisarnera akisussaaffigisarlugu. Sulileqqaaramili takutissimavaa suliassani taamaattuni siuttuunissaminut sapiissuseqarlunilu piumassuseqarluni, ulluinnarnilu suleqatini BIM/IKT-mut tunngasuni ikiortarlugit. Suliffeqarfitta iluani BIM/IKT netværksgruppemi akisussaasuuvoq.

Suliassat amerlaqaat, soqutiginarlutillu assigiinngisitaarlutillu. Atortorissaarutigut pitsaasorujussuupput, suleqatigiillutalu ataqatigiilluarluta. Suliassanut tunngatillugu pimoorussinissamut eqqissillunilu nuannisaqatigiinnissamut inissaqartitsisarpugut.

Iluaqutissatit

Atugassarititaasut pitsaasut

Akissarsiassatigut, sillimmasiinermut, kiisalu sulinerup sunngiffiullu oqimaaqatigiissaarnissaanut iluartunik atugassaqartitsisuuvugut. Aamma suliffimmi avatangiisit suliffigiuminartuunissaat pingaartitaraarput.

Ukiumut minnerpaamik sap. ak. arfinillit sulinngiffiusarput. Nalunaaquttap akunneri suliffiusut sulisumut tulluarsarneqarnissaat periarfissaasarpoq.

Ineriartorneq

Illit ineriartoruit uagut ineriartussaagut. Suliassatit angorusutatillu imminnut naleqqussartassapput, suliniutinilu peqataaffigisanni misilittakkavit atorfinni ineriartornissannut periarfissittassavaatsit.

Nunarsuaq allanngueqataaffigalugu

Suleqatitit peqatigalugit nunarsuaq allanngueqataaffigissavat, suliniutit ataasiakkaarlugit. Illit tunniussassatit iluaqutaassapput, ippassarmillu pitsaanerusumik atuilluarnermut, atueqqiinermut, sanaartornermut, tunisassiornermullu siuarsaaqataassallutik.

Sulisunik inerisaaneq

Sulisut tamarmik immikkut piginnaasaat ataqqillugillu ineriartortinnissaat pingaartitaraarput. Tamanna pingaaruteqarpoq sulisut tamarmik assigiinngitsunik peqquteqarlutik atorfitsik toqqartarmassuk. Assigiinngissutigut paasillugillu ataqqigutsigit sulisut tamaasa immikkut tapersersorsinnaanerussavagut. Sulisut tamarmik naleqartutut ikorfartorneqartutullu misiginissaat uatsinnut qitiulluinnarpoq.

Arlaannik ujagaqaraluarpit tamaani nanisinnaanngisannik?

Inuit SMJ-imik soqutiginnittut tusarfiginissaannut soqutiginnittuaannarpugut. Apeqqutissaqaruit aperiinnariarit.

Sulisut SMJ-imi qitiusuupput. Eqimattanik suleqatigiissitsigaangatta fagimut tunngatillugu pikkoriffiit inuttullu nukittoqutit aallaavigalugit suleqatigiit katitertarpavut.

Inuit SMJ-imik soqutiginnittut tusarfiginissaannut soqutiginnittuaannarpugut. Saaffigigutsigit paasissutissat uku ilanngukkigit: ilinniagaq, ilinniakkamit allagartaq aamma CV, saniatigullu inuttut pikkoriffitit saaffiginninnernullu suna peqqutiginerlugu allagaqalaarlutit.

Ilinniarnerup saniatigut sulineq, praktikkerneq, qaffasinnerusumillu ilinniagaqarnermi suliassanut atatillugu suleqatigiinneq aamma periarfissaatigisarpagut.

Qinnuteqaatit uunga nassiuguk:  [email protected].

Suleqatigilerniartigut

Suleqatitsinnut ilanngunnissannut soqutiginnikkuit tusarfigerusuppatsigit. Pisortatta arlaannut, Pæturimut Johanimulluunniit, sianerlutilluunniit allanniarna.

Pætur, telefon 233500, e-mail [email protected]
Johan, telefon 233540, e-mail [email protected]