Gula læknahúsið í Klaksvík

SMJ hevur veitt el-ráðgeving í sambandi við umvælingina og dagførsluna av Gula læknahúsinum í Klaksvík, sum er ætlað at hýsa fyrisitingini hjá Klaksvíkar Sjúkrahúsi. Okkara arbeiði hevur fevnt um prosjektering og trygdartilgongdir fyri el-skipanirnar, har dentur er lagdur á nútímans krøv.

Gula læknahúsið, sum varð bygt í 1923, er ein søguligur bygningur í Klaksvík. Verkætlanin hevur til endamáls at varðveita upprunaliga sniðið og arkitekturin, samstundis sum bygningurin verður dagførdur til nútímans tørv. Samlaða upphæddin fyri verkætlanina er 16 milliónir krónur.